Basha Ramës me ironi: "Veç një shok të ka mbetur"

Drejtuesi politik i Koalicionit Euroatlantik, Lulzim Basha, ka reaguar me ironi ndaj deklaratave të kryeministrit Edi Rama gjatë një takimi në njësinë 8 në Tiranë. Rama kishte pyetur për kandidatin e Koalicionit Euroatlantik në këtë zonë, ndërsa Basha i është përgjigjur përmes një videomesazhi nga banesa e tij. Basha Ramës:

“O Rame! Na nxorre gjumin. Tek lagjja ime e vjetër. Kush është kandidati? Pëllumb Seferi, o Rame. E njeh mirë ti! Ta hoqi skalpin në 2021!” – tha Basha, duke iu referuar zgjedhjeve të mëparshme.

Më tej, ai vijoi me tone ironike, duke përmendur shokët e dikurshëm të Ramës, disa prej të cilëve, sipas tij, ndodhen në arrest, në arrati apo nën hetim.

“Ngele t’u pyet për shokët e mi. S’ke faj, mor burrë, gjithë shokët e tu te 7×7 = 313, Rame! Veç një shok të ka ngel. Bufi, bufit, por vdes për bufin ti, Rame. Ti dhe bufi, bufi dhe ti – jeni të pandarë.”

Basha e mbylli mesazhin e tij duke ironizuar Ramën dhe duke paralajmëruar vazhdimin e debatit politik në ditët në vijim.