Dhuna në rrugët e Tiranës: Për një parkim, del armë

Një tjetër episod i dhunës urbane ka ndodhur në Rrugën e Dibrës, ku një debat banal për parkimin e makinës përfundoi në të shtëna me armë zjarri. 29-vjeçari Gerald Hoxha u plagos në këmbë, ndërsa autori i dyshuar, Franci Canaj, 32 vjeç, është ende në arrati.

Ngjarja pasqyron dështimin e institucioneve për të garantuar rendin në zemër të kryeqytetit. Të qëllosh për një vend parkimi, është pasqyrë e një shoqërie që po shpërbëhet në mungesë të drejtësisë dhe kontrollit.

Ndërsa i plagosuri ndodhet jashtë rrezikut për jetën, policia deklaron se hetimet vijojnë për kapjen e autorit. Deri kur do vazhdojnë qytetarët të jetojnë nën frikën e armëve për çështje banale?